Үтүө күн буоллун үтүө санаалаах доҕотторбор! Дьэ, доҕоттоор, дойдубар тиийэн, оҕо эрдэхпитттэн ииппит-аһаппыт, умсаахтаан улааппыт эбэбиттэн, дьоммор кыстык муустарын ылсан, сибиэһэй салгынынан иҥсэлээхтик тыынан, дуоһуйа сынньанан кэллим. Хата ынтах сибээс мөлтөх буолан билээхтээбэккэ да сырыттым бу үлүгэр айдааны. Хайдах курдук сибээс хабан, сеть тупсан бараатын кытта амырыын сытынан муннуга астарбыт курдук дьиксиниэхпэр диэри кирдээх комменнар кутуллан түстүлэр. Бу туох өһүллүбэт үлүгэрэй? Бу туох амырыын алдьархайай? Бу туох уоскуйбат, уостубат улуу мөккүөрэ буоллай? Доҕоттоор! Хаһааҥҥыттан дьону кигэн, күөттээн, халбархай тиэмэни арыйан дьонунан дьону үөхтэрэр, тиксиһиннэрэн биэрэр хайҕаллаах быһыы-майгы буолбутай? Хаһааҥҥыттан доҕордуу сыһыаны биллэрэр "братан" диэн тыл үөҕүү, сэнэбили көрдөрөр тыл буолбутай? Хаһааҥҥыттан интернет социальнай ситимҥэ билэр, билсэр киһиэхэ официальнайдык суруйуу ирдэнэр буолбутай? Хайа үтүө санаалаах киһи дьонунан дьону үөхтэрэ-үөхтэрэ махтанартан бокуой булбатый? Хайа үтүө санаалаах айдаан төрүөтэ буоларый? Туох буолбут дьоҥҥутуй хата эһиги бэйэҕит?! Этиһиигэ тиллэр, айдааҥҥа уһуктар. Мин кими да туох да диэн үөхпэтэҕим, хата бэйэҕит тылгытын көрүнүҥ. Сытыйбыт тыллаах аһыырга да ыарахан ини. Кыһыл тылгытынан кытыастан түһэн тоҕо сүргүтүй. Кэтээн, кэтэһэн сыппыт сиэмэх кыыллар курдук саба түһэ сатыыгыт, кирдээх тылгытынан салыыгыт. Иньчэҕэй тирбэҕэ быстыбат. Эһиги тылгыт аайы өлөн-охтон биэриэм суоҕа, ситиһэ сорунумаҥ даҕаны. Мин да кэннибэр дьонноох, өйүүр-өйдүүр атастардаах этим. Мин даҕаны саныыр санаалаах, этэр тыллаах этим. Ону барытын тоҕо-көтөн орун-оннугар сааһылаан, этэн-тыынан эһиги курдук үөҕэн бардахпына ханна ыраатыахпытый? Устар ууну сомоҕолуур уус уран тыллаах олоҥхоһут сыдьаана этим. Урусхаллаах уран тылбын, илдьириэстээх, иччилээх илбис тылбын үҥүү-батас гынаммын үөгүлээтэхпинэ, эппит дьону элэтэргэ, саҥарбыт дьону самнарарга сэп-сэбиргэл гынаммын тутуннахпына төһө тупсуохпутуй? Төһө хачча буолуой? Аккауҥҥутун аһа баттаан көрдөххө хаартыскаҕытын да хатаабат, ааккытын да ааттаабат бука "тролль" бииһин ууһа быһылааххыт. Тугу ситиһээри, туох санааннан салайтарар сирэйдэр эбиккит буолла?